Archives

கீதாஞ்சலி – மலேஷியா வாசுதேவன் பாடல்கள்

மலேஷியா வாசுதேவன்- பாடகராக, நடிகராக நல்ல மனிதராக வாழ்ந்து மறைந்தவர். அவருடன் நேரடியாக பரிச்சயம் உள்ளவர்களுக்கு அவர் எப்படிப்பட்ட மென்மையான, மனிதநேய சுபாவமுடையவர் என்பது தெரியும். எல்லோரையும் அம்மா என்று அழைக்கும் அவர், மாமிச உணவு உண்ணாதவர் என்பது எத்தனை பேருக்கு தெரியும்..
படத்தில் கொடூர குணமுள்ள வில்லனாக தோன்றும் அவரின் குழந்தை மனசை அவருடன் பழகிப்பார்த்தவர்களுக்கு தெரியும். தன்தட்டிலுள்ள உணவை எடுத்து, என் தட்டில் போட்டு சாப்பிடும்மா என்று சொன்ன வேளையில் தாயாகத் தெரிந்தார். எப்போதும் நேர்மையுடன் இரு. உன் வேலையை மட்டும் ஒழுங்காக செய் என்று சொல்லும் போது தந்தையாகத் தெரிந்தார்.. காதலில் விழுந்தேன் என்று தெரிந்தும், மேடையில் எனக்காக பாடல்கள் பாடியபடியே திரும்பிப் பார்த்து புன்னகைக்கையில் நண்பராக தெரிந்தார்.. பழகிய நாட்கள் குறைவாக இருந்தாலும், ஆயுளுக்கும் அவர் விட்டுச் சென்ற அன்பு போதும் மலேஷியா அங்கிள்..

பெப்ரவரி 20ம் திகதி அவர் இவ்வுலகை விட்டு நீங்கிய தினம்..அவரின் நினைவாக, எனக்குப் பிடித்த அவரின் பாடல்கள்..

 

கோழி கூவுது திரைப்படத்தில் அவரின் காந்தக் குரலில்
பூவே இளைய பூவே..

 

விவசாயிகளின் வலி சொல்லும் இந்தப் பாடல் கேட்கும் போதெல்லாம்.. மனசுக்குள் சின்னதாய் ஒரு சங்கடம்..

 

அண்ணன் தங்கை பாசத்தை சொல்லும் இந்தப் பாடலில் அன்பையும், அரவணைப்பையும், கையறு நிலையையும் தன் கம்பீரக் குரலால் அள்ளித்தெளித்திருப்பார்..

 

காதல் பாடல் ஒன்று இது.. குரலை இன்னும் கொஞ்சம் மாற்றி பாடியிருப்பார்

 

இந்தப்பாடல் கேட்கும் போதெல்லாம் மேடையில் மெதுவாய் திரும்பிப் பார்த்து கடைவாய்க்குள் சிரித்தபடி அவர் பாடியது எப்போதும் ஞாபகம் வரும்..

 

Name the song, I’ll sing it  என்று சொல்வார் போல. எந்த வகையான பாடல் கொடுத்தாலும் அனயாசமாக பாடமுடியும் ஒரு சில பாடகர்களில் இவரும் ஒருவர் என்பதை நிரூபிக்கும் மற்றொரு பாடல் இது..

ஆண்டுகள் கடந்தாலும், அவர் குரல் காந்தமாய் கவரும் பாடல்களில் ஒன்று.. ஒருவர் வாழும் ஆலயம் திரைப்படத்திலிருந்து

 

சிறுவயதில் இலங்கை வானொலியில் ஒலிக்கும் தங்கநகையக விளம்பரம் ஒன்றில் இடம்பெற்ற பாடல் இது.. இன்று கேட்டாலும், அந்தக் காலகட்டத்திற்கு என்னை அழைத்துச் சென்றுவிடும் பாடல்..

 

மறக்க முடியாத மலேஷியா வாசுதேவன் அவர்களின் பெயர் சொல்லும் பாடல்..

 

இன்னாருக்கென்றே சில பாடல்களை எழுதியிருப்பார்களோ என்று சில வேளைகளில் நினைப்பதுண்டு.. இது மலேஷியா வாசுதேவனுக்காகவே எழுதப்பட்ட பாடலே.. அவரன்றி வேறொருவர் பாடியிருந்தால் இப்படி இனிமையாய் இருந்திருக்குமா என்று கேட்கும் போதெல்லாம் எண்ண வைக்கும் பாட்டு..

 

 

தங்கைக்காய் உருகும் அண்ணாவாய்.. பாசம் இழைந்தோடும் குரலில்..

 

சுகம் சுகமே – இந்தப் பாடல் கேட்கும் போது தானே..

 

இன்னும் இன்னும் அத்தனை பாடல்களையும் அளிக்க வேண்டும் என்று நினைத்தாலும்.. ஒரு மணிநேரத்திற்குரிய பாடல்களை மட்டும் இந்த பதிவில் தந்திருக்கின்றேன்.. மீண்டும் மற்றொரு பதிவில் இன்னும் பல மனது மயக்கும் பாடல்களுடன் சந்திப்போம்..
அதுவரை உங்களிடமிருந்து விடைபெறுகின்றேன்..
அன்புடன் மாயா

Malaysia Vasudevan

 

கீதாஞ்சலி

காதல் காதல் காதல்..

எங்கு காண்பினும் காதல் களை கட்டுகிறது.. வியாபார யுக்திகளுடன் சேர்ந்து மனிதக் காதலர்களும், தெய்வீகக் காதலை நோக்கிய தேடலில் ஈடுபடும் இந்த மாதத்தில் இன்னுமொரு இன்சுவை கீதங்களின் தொகுப்பு கீதாஞ்சலியில்..

என காதல் மனதில் வடித்த சிலை நீ..எனை மயக்கி சிலையாக்கி சிதறடிக்கிறாய்..

என் பூ மனதைக் கொள்ளை கொண்ட புவிராஜா நீ..

என் முதல் கனவு நீ.. மனதில் நிறைந்த உன் நினைவுகள் மறையாமல் மனசுக்குள் பொக்கிஷமாய் பூட்டி வைப்பேன்..

நதியோர நாணல் வந்து உன் பெயர் சொல்ல நாணத்தில் நீலமாகியது என் நீள விழிகள்

அலைபாய்ந்த எண்ணங்கள் உன் அன்புள்ளத்தின் அரணுக்குள் அடைக்கலமாகி சிலையானது..

 

செக்கர் வானத்தின் மேக ஓவியங்களாய்.. காதல் தூரிகையால் பாச வர்ணம் தீட்டினாய்..

நான் தேடிக்கண்டடைந்த பேரின்ப சாம்ராஜ்யத்தின் காதல் தேவதை நீ..

மாலைக்கருக்கலில் தாரகைகள் மத்தியில் தங்கநிலவாய் உன்னைக் கண்டு காதல் கொண்டேன்

காதல் கள்ளுண்டு தள்ளாடும்  என் தாரிகையை தூரிகையால் ஓவியமாய் தீட்டி என் தனிமைக்கு துணையாக்கினேன்..

ஈட்டி விழிகளாய் வேட்டையாடி, இதய அறைக்குள் அடைத்துவைத்தாய்..

உன் காதல் வசியத்தில் சிக்கி காணாமல் போய்விட்டேன்..

தூது போ மேகமே.. தூரமாய் நிற்கும் என் தேவனிடம்

கீதாஞ்சலி..

80 கள் போலவே 90 களில் வெளிவந்த பாடல்களும், மகத்துவமிக்கவைதான். ஏ.ஆர்.ரஹ்மானின் ஆரம்பகாலம், தேவா, வித்தியாசாகர் போன்றோர் இசைஞானியின் இசையோடு போட்டி போட்ட காலம்..  அந்தக் காலகட்டத்தில் வெளிவந்த மனது மறக்காத காதல் கீதங்கள் இன்று கீதாஞ்சலியில்..

 

உனக்கும் எனக்கும் உள்ள பந்தம், தெய்வம் தந்தது..

திரைப்படம்: எல்லாமே என் காதலி

 

உன் விழி சொல்லும் பாஷைகளை மொழிமாற்றிப்பார்த்தேன்.. காதல் என்று சந்தமாய் சொல்கிறது சத்தம் போடும் இதயம்..

திரைப்படம்: சுபாஷ்

 

சர்க்கரைப்பாகால் வர்ணம் செய்து உன் பெயரை உள்ளமெங்கும் எழுதி வைத்து ரசிக்கிறேன்..

திரைப்படம்: செங்கோட்டை

 

இக்கணம் இறக்கலாம் போலிருக்கிறது இதழால் ஒற்றியெடுத்து உன் இதயத்து ரகஸ்யங்களை சொல்லும் காதலில் திளைத்து எழமுடியாமல் தவிக்கும் போது..
திரைப்படம்: தாயின் மணிக்கொடி

 

இந்தக் கனவுக்குள் புதைந்து கரைந்து போய்விடுகிறேன்..
மலருக்குள் மறைந்திருக்கும் நறுமணம் போல்
உன் காதல் ஆடையாய் தழுவிநிற்கும்
இந்தக் கனவுக்குள்..

திரைப்படம்: லவ்பேர்ட்ஸ்

 

தனியாய் தவிக்கவிட்டு எங்கிருந்தாய் இத்தனை நாளாய்..
தவித்து உறைந்து திகைத்து நிற்கும் என்னை விட்டு நீங்காதே காதலே..

திரைப்படம்: மே மாதம்

 

நேரம் காலம் தேதி பார்க்காமல் கண்ணுக்குள் நுழைந்தாய்
கணந்தோறும் உன் காதலால் கரைந்து போகிறேன்..

திரைப்படம்: கோயமுத்தூர் மாப்பிள்ளை

 

நீ எனக்குள் நுழைந்த நேரம் இதயத்துக்குள் மலைமுகட்டு மலர்த்தோட்டத்தில் மழைபொழியும் வாசம்..

திரைப்படம்: வான்மதி

 

ப்ரியத்துக்கு ப்ரியம் வந்ததில் பிரியாத நேசம் வந்தது உன்மேல் எனக்கு

திரைப்படம்: ப்ரியம்

 

உன் காதல் மெட்டுக்களால் இசைந்து போய் நிற்கிறது உன் நினைவுகளின்றி இயங்க மறுக்கும் இதயம்..

திரைப்படம்: ராசையா

 

உன் மௌனத்தால் கொன்ற என்னை மந்தகாசப் புன்னகையால் உயிரூட்டிவிடு

திரைப்படம்: கர்ணா

 

 

என் காதல் நூலில் கலந்திருக்கும் மை போல உள்ளத்து செல்களிலெல்லாம் உன் காதலை எழுதிச் சென்றால் என்ன செய்ய நான்..

திரைப்படம்: அரசியல்

 

முதன்முதலில் உன் முகம் பார்த்த கணம் முதல்

மயங்கி நிற்கிறேன்..

முடிவிலியாய் தொடரும்

உன் முத்தத்திற்குள்

மூச்சுவிட முடியாமல் அமிழ்ந்தபடி..

 

 

கீதாஞ்சலி..

80களில் வெளிவந்த பாடல்கள் இன்று வரை மனதை வீட்டு நீங்காமல் இருப்பதே அந்தப் பாடல்களின் சிறப்பை சொல்லிவிடுகின்றன.

 
பெண்குரல்களில் ஜானகி அம்மா, சுசீலாம்மா, சித்ராம்மா,வாணி ஜெயராம் அம்மா,  ஜென்சிம்மா, சைலஜாம்மா என திரையிசைக்குயில்கள் ஆட்சி செய்த காலம் அது.. அவர்களின் குரல்களில் வெளிவந்த பாடல்களின் தொகுப்பு இது..

 

பெண்மையின் மென்மையுடன், வார்த்தைகளின் வீரியம் கலந்து இன்று வரை மனதுக்கும் அலையாடும் இந்தப்பாடல்களின் ஞாபகம் உங்களையும் வசப்படுத்தும்..

கீதாஞ்சலி..

என மனதுக்கு நெருக்கமான முதல் பாடலுடன் தொடங்குகிறேன்.. அலைகள் ஓய்வதில்லை திரைப்படத்தில் இசைஞானியின் இசையில், ஜானகி அவர்கள் பாடிய பாடல். எப்போது கேட்டாலும் புத்துணர்வு தரும் வரிகளோடு..

 

 

முள்ளும் மலரும் திரைப்படத்தில் ஜென்சி பாடிய பாடல்.. தனக்காய் பாடும் தன்னிலை மறந்து மயங்கி நிற்கும் பெண்ணின் மன உணர்வுகள் எத்தனை அழகாய்..

 

ஜானி.. என் வானிலே ஒரே வெண்ணிலா.. பியானோ இனிமையா இல்லை ஜென்சியின் குரல் இனிமையா.. காதலித்த, காதலித்துக்கொண்டிருக்கிற பெண்களின் தேசிய கீதம் இது

 

சின்ன வயதில் கேட்ட பாடல் இது.. கல்யாணராமன் திரைப்படத்திற்காக சைலஜா பாடியது

ஸ்ரீதேவிக்கு இன்றுவரை பேர் சொல்லும் பாடல் இது.. செந்தூரப்பூவே

 

எனக்கு மிகப்பிடித்த திரைப்படங்களில் ஒன்று.. பாரதிராஜாவின் இயக்கத்தில் கண்ணன், ராதா நடித்த பாடல்காட்சி. இன்று வரை கண்ணன் எங்கே என்று தேடிக்கொண்டிருக்கிறேன்..

நிழல்கள் திரைப்படம் என்றதும் மடை திறந்து என்ற பாடல் தான் அநேகமாக ஞாபகம வரும்.. அந்தப்படத்தில் ஒலித்த மற்றுமொரு இனிய பாடல்.. ஒரு பெண்ணின் ஏக்கத்தை எடுத்துச்சொல்கிறது

 

இந்தப் பாடல் கேட்கும் போதெல்லாம் இனம் புரியாத சோகம் மனசுக்குள் இழைந்தோடும்.. உல்லாசப்பறவைகளுக்காய் ஜென்சி

கல்லுக்குள் ஈரம் படத்திற்காக ஜானகி பாடிய பாடல்.. சட்டென்று ஞாபகத்திற்கு வராவிட்டாலும், இனிமையான பாடல்களில் ஒன்று

 

கிழக்கே போகும் ரயில்.. ரயிலைக்கூட தோழியாக்கி தூது போகச்சொல்லும் காதல் மனசு

என்னுள்ளில் எங்கோ ஏங்கும் கீதம்.. ஆனால் அதுவும் ஆனந்தம்..

முதல் இரவு.. இது திரைப்படத்தின் பெயர்.. இனிமையான மற்றொரு பாடல்

 

இன்னும் எத்தனை எத்தனை இனிமையான பாடல்கள் இருந்தாலும் ஒரு மணித்தியாலத்திற்கு ஏற்ற வகையில் தொகுத்த பாடல்கள் இவை.. உங்களுக்கும் பிடிக்கும் என்று எண்ணுகிறேன்..
மீண்டும் மற்றுமொரு கீதாஞ்சலியின் ஊடாக உங்களுக்கு பிடித்த பாடல்களுடன் சந்திக்கிறேன்..

அன்புடன்,

Maaya..

கீதாஞ்சலி – அறிமுகம்

download (1)

கீதாஞ்சலி – நான் வானொலியில் பணியாற்றும்போது வடிவமைத்து செய்த நிகழ்ச்சி..

Down the memory lane என்பது போல அந்தக்காலகட்டத்திற்கே பாடல்களைக் கேட்பவர்களைக் கொண்டுசெல்லும்,  மறந்து போனாலும், மனதில் நின்று மறைந்து போகாத பாடல்களை தொகுத்து,  நேயர்களின் விருப்ப பாடல்களாக வழங்கிய நிகழ்ச்சி அது..

வானொலியில் தொகுத்து வழங்கிய பாடல்களை இணையத்தளத்திலும் வழங்க முடியாதா என்ற எண்ணத்தில் தோன்றியது தான் இந்தப்பதிவு. கீதாஞ்சலி என்ற பெயரிலேயே, தொடர்பதிவாக, ஒரு மணித்தியாலம் வரை கேட்கக்கூடிய நிகழ்ச்சியாக பதிவிட நினைக்கிறேன்..

உங்கள் ஆதரவுடன், கருத்துகளையும் தெரிவியுங்கள்.. நன்றி

download

 

photo credit: Google